ഇന്നു ബുദ്ധജയന്തി-
വഴിവക്കിലെ പുളിങ്കുറ്റികളില് പാതിയടഞ്ഞ കണ്ണുകളുള്ള
ആട്ടിന്തലകളില് ബുദ്ധനിരുന്നു ചിരിക്കുന്നു!
പല്ലുകള്ക്കിടയില് പാതിചവച്ച പ്ലാവിലത്തൊപ്പികള്!
പുലര്ച്ചെ പുല്ലിന്തലപ്പുകള്ക്കുമേലേ കണ്ട
മഞ്ഞിന്തുള്ളിത്തിളക്കം ആവിയായിപ്പോയിരിക്കുന്നു!
കൂട്ടിയിട്ടിരിക്കുന്ന എല്ലിന്തലപ്പുകള്ക്കുമേലേ
ചത്തചുവപ്പിന്റെ ഒട്ടുന്ന തുള്ളികള്!
വെട്ടിക്കളഞ്ഞ കുളമ്പുകൂനകള്ക്കിടയില്
പതവീണു മരവിച്ചുപോയ ഊശാന്താടികള്ക്കിടയില്
കുതറിത്തെറിപ്പിച്ച ആട്ടിന്കാട്ടങ്ങള്ക്കിടയില്
ബോധിവൃക്ഷത്തണല്ത്തുണ്ടുതേടി
ബോധമില്ലാതലയുന്നു ബുദ്ധന് !
1 comment:
ആരുമില്ലേ എന്നെ ഒന്നു കമന്റടിക്കാന്?
Post a Comment